ಅಲ್ಲಿಯೇ ಸಮೀಪದಲ್ಲಿ ವೀರಗಲ್ಲು ಮತ್ತು ನಾಲ್ಕು ಮಹಾಸತಿ ಕಲ್ಲುಗಳಿವೆ.
ಚಾಲುಕ್ಯರ ಕಾಲಘಟ್ಟದ ವೀರಗಲ್ಲಿನಲ್ಲಿ ಏಳು ಸಾಲುಗಳ ಶಾಸನಪಠ್ಯ ಇದೆ. ಈ ಶಾಸನ ಸುಮಾರು 800 ವರ್ಷಗಳ ಹಳೆಯದಾಗಿದ್ದು ಎಣ್ಣೆ ಬಳಿದಿರುವುದರಿಂದ ಹಾಗೂ ಮಳೆಗೆ ಶಾಸನ ಪಠ್ಯ ಸಾಕಷ್ಟು ಅಳಿಸಿ ಹೋಗಿದೆ. ನಿಖರ ಮಾಹಿತಿಗಾಗಿ ಇನ್ನಷ್ಟು ಶೋಧ ನಡೆಯಬೇಕಿದೆ. ಪ್ರಾಚ್ಯ ಇಲಾಖೆ ಈ ಬಗ್ಗೆ ಗಮನ ಹರಿಸಬೇಕೆಂದು ಸಂಶೋಧಕರು, ಮಕ್ಕಳ ಸಾಹಿತ್ಯ ಪರಿಷತ್ ಜಿಲ್ಲಾಧ್ಯಕ್ಷರು ಆದ ರವಿರಾಜ್ ಸಾಗರ್ ಮಂಡಗಳಲೆ ಅವರು ಮನವಿ ಮಾಡಿದ್ದಾರೆ.
ಇಲ್ಲಿ ಇರುವ ನಾಲ್ಕು ಮಹಾಸತಿ ಕಲ್ಲುಗಳೂ ಬೇರೆ ಬೇರೆ ಕಾಲಘಟ್ಟದವು. ಗಂಡನ ಶವಸಂಸ್ಕಾರದ ಜೊತೆಗೆ ಚಿತೆಯೇರಿ ತಮ್ಮ ಪ್ರಾಣ ತ್ಯಾಗ ಮಾಡಿದ ಮಹಿಳೆಯರ ಸತಿಸಹಾಗಮನದ ತ್ಯಾಗದ ನೆನಪಿಗೆ ಅವರ ಕುಟುಂಬದವರು ಸ್ಥಾಪಿಸಿದ್ದಾರೆ.
ಈ ಗ್ರಾಮದ ಸುತ್ತಲಿನ ತಡಗಳಲೆ,ಸೈದೂರಲ್ಲಿ ಸಾಕಷ್ಟು ಐತಿಹಾಸಿಕ ಮೂಲಾಧಾರಗಳು ಲಭ್ಯವಿದ್ದು ಅವುಗಳು ಇನ್ನೂ ಪ್ರಕಟವಾಗಿಲ್ಲ. ಅವುಗಳ ಕುರಿತು ಹೆಚ್ಚಿನ ಸಂಶೋಧನೆ ಆಗಬೇಕು. ಈ ಊರುಗಳು ಪ್ರಾಚೀನ ಐತಿಹಾಸಿಕ ಮಾನವ ನೆಲೆಗಳಾಗಿದ್ದು ಇತಿಹಾಸ ಪುಟಗಳಲ್ಲಿ ದಾಖಲಾಗಬೇಕು ಎಂದು ಒತ್ತಾಯಿಸಿದ್ದಾರೆ.
